Inoqutigiit ilaqutariillu
Januaarip aallaqqaataani innuttaasut ukiumoortumik saqqummersinneqartartumut ilanngullugu ilaqutariit amerlassusaat, ilaqutariit assigiinngitsut tassunga ilanngullugit, saqqummersinneqartalerput.
Danmark Statistikip ilaqutariit pillugit saqqummersitsinerminnut atortagaasa assingi Naatsorsueqqissaartarfimmit atorneqarput. Ilaqutariit pillugit taaguut uani nassuiarneqartoq atuarneqarsinnaavoq: www.stat.gl/BEN201901/m3
Naatsumik oqaatigalugu, ilaqutariit tassaapput inuk ataaseq imaluunniit inoqutigiit arlariit, aappariinnikkut ilaqutariinnikkulluunniit imminnut ataqatigiittut. Inoqutigiit ataatsit ilaqutariit arlariiusinnaapput, kisianni ilaqutariit inoqutigiinni assiigiinngitsuneersinnaanngillat.
Titartagaq. Inoqutigiinni* ilaqutariit pingasut
* Inoqutigiit tassaapput inunnik nalunaarsuisarfimmi najukkami ataatsimi nalunaarsorsimasut.
2019-imi januaarip aallaqqaataani ilaqutariinni 30.075-iusuni inuit 55.454-it inoqutigiinni 22.071-ini najugaqarput imaluunniit agguaqatigiissillugu inoqutigiinni ataatsini ilaqutariit 1,36-it. Taassuma saniatigut inuit 558-it najukkani allaffissornikkut atorneqartuni nalunaarsorsimapput.